Paroki Sang Penebus Batuputih: Gerija "SaPe" Batuputeh

Batuputeh (Batuputih) jela lah name dusun kecik (pas nye dusun 5 awan 6), ye bada nye di pinggir ayakh Lengkayap, ayakh anak ugan.

Badanye kire-kire 11 kilumiter arah selatan ndai pasar Baturaje, kalu sekitar 2500 jiwe jeme asli Sumatera Selatan, ye temasuk humpun suku Ugan. Obrolan sahi-sahi nye gunekan base ugan. ke idupan sahi-sahi nye juge biase-biase kian, dekde ngatik ye kaye nian, amen uji hang kota tu, sederhana, ulen nye nyakah makan awan kebutohna lain nye ndai hasil kebun lok nakok balam, awan ulehan ndai kampungan, ye ditunggu sehaun sekali (itu pule amen bebuah), misalnye duku, duhian, cempedak. Tapi dekde pule dikit ye be ume, nanam padi awan betanam sayur-sayuran, misalnye timput, tehung, jabung lintok, tahok benggale, pukok nye banyak...

Amen kepercayean ke ye di "Pucok" jeme batuputeh ni temasok tekun, rajin ndalami isi awan makne agame. Kehadiran iman Katolik di dusun Batuputeh ngandung cerite sejarah ye ilok nian. Awal nye Katolik masok ke Batuputeh bukan ulen jeme-jeme Belande ape pewartaan misionaris, tapi ndai jeme Batuputeh nian, ade hang 4 jeme ye jadi palak uraknye (pelopor) jela lah : Petrus Abdoel Hulik, Yohanes Alwie, Yosef Alisuni dan Paulus Damseh. Jeme hang 4 ni awan bebehape warga rajin, tekun ndalami keyakinan sebelumnye, tapi die uhang belum hase puas, belum tega di ati nye, ye kire-kire nuhut die uhang ni nenang ati.

nyakah-nyakah terus kemane?, makmane? care negahkan ketenangan jiwe ni, liwat petunjuk Jeme hebat ndai Sarang Elang OKI, sekitar tahun 1940 an, aju jeme hang 4 itu betanye ke Kepala Residen Belande di Baturaje, namenye Tuan Luyks. Banyak cerite awan Tuan Luyks ni, jeme hang 4 ni di ajungkan Tuan Luyks ke Pelimbang, negai Mgr. Mekkeholt. Mulai itulah utusan hang 4 ni aju ngimani iman Katolik.

Mulai ndai waktu itulah Mgr. Mekkeholt, ngutus astor Th.Borst SCJ ngajar kan Iman Katolik sebagean ke jeme-jeme Batuputeh. tanggal 31 Oktober 1948 jela ahi permandian pertame, hang 24 jeme ndai 5 keluarga.

nyangkut nye jaoh ndai pusat Katolik di Pelimbang, ndai Keuskupan, Paroki Sang Penebus Batuputeh temasok paroki ye di katekan istimewa, ulen karne Paroki Batuputeh Paroki ye tue di Kabupaten Ogan Komering Ulu, selain itu umat nye kire-kire 90 persen suku asli ugan.

Mekni kite besyukur, nyangkut lambat Paroki Batuputeh ni adelah perkembanganye. La jadi indok ndai stasi-stasi, ade 17 stasi ye tiap parak tiap akhi di layani ulen Pastor ye tugas di Batuputeh.